Baki – hálsi – öxlum – olnbogum – úlnliðum – fingrum – mjöðmum – hnjám – ökklum – tám – nára. Þar sem um er að ræða truflanir í starfsemi taugakerfisins geta áhrifin verið margvísleg á heilsuna. Hér eru önnur algeng umkvörtunarefni:
Höfuðverkir – tíðaverkir – grindargliðnun – leiðniverkir í útlimum – meltingartruflanir – hryggskekkja – svimi – ofnæmi – asmi – síþreyta – svefnleysi – minnkuð hreyfigeta – ýmsar afleiðingar slysa – fyrirtíðaspenna – streita – erfiðleikar með einbeitingu – eyrnaverkir – eyrnabólga – stjórn á þvagi – lélegt ónæmiskerfi – slæm andleg líðan. Taka skal fram að kírópraktík er í raun ekki meðhöndlun við því sem hér er upp talið. En þar sem áhrif truflana í taugakerfinu eru mikil og ófyrirsjáanleg, finnur fólk oft fyrir bata á mörgum sviðum heilsu sinnar þegar starfsemi taugakerfisins batnar.
Nám kírópraktora í Bandaríkjunum er á háskólastigi, það er yfirgripsmikið og telur að lágmarki fjögur ár. Námið samanstendur af taugafræði, röntgenfræði, sjúkdómafræði, líffærafræði sem inniheldur krufningar í heilt ár, efna og lífefnafræði, eðlis- og lífeðlisfræði, fræðum þeim sem tengjast kírópraktíkinni sjálfri og mörgu fleiru. Námsmaðurinn útskrifast með gráðuna Doctor of Chiropractic, skammstafað D.C. eða aðra sambærilega gráðu sem telst vera jafngild meistaragráðu að lágmarki. Hver sem er getur leitað til kírópraktors án tilvísunar frá lækni.
Kírópraktor er fullfær um að ráðleggja það sem sjúklingnum er fyrir bestu og senda hann annað telji hann þörf á.
Á Íslandi gefur Landlæknisembættið út starfsleyfi til kírópraktora sem hlotið hafa menntun sína frá viðurkenndum skólum. Aðeins þeir sem hafa tilskylda menntun og fullgilt starfsleyfi mega kalla sig kírópraktora.
Já. Miklar líkamlegar breytingar verða á konum á meðgöngu. Hormónabreytingar, breytingar á þyngd og þyngdardreyfingu geta valdið stoðkerfisvandamálum sem geta orðið konunni illþolanleg. Kírópraktor getur þarna veitt ómetanlega hjálp. Ósjálfráða taugakerfið stjórnar hríðunum og samdrætti legsins þegar kemur að fæðingu. Þá er gott að vera laus við truflaanir í taugakerfinu sem mögulega hafa neikvæð áhrif á ferlið.
Missi spjaldliðir eða lendarliðir stöðu sína getur fæðingarvegurinn minnkað óeðlilega mikið. Þetta getur valdið því að fæðingin gengur verr en hún annars myndi gera.
Þegar stoðkerfi íþróttamanns er almennt í réttri álagsstöðu og taugakerfið starfar óáreitt eru aðstæður góðar til þess að ná toppárangri. Einnig minnka líkur á meiðslum og íþróttamaðurinn jafnar sig hraðar á meiðslum þeim er geta orðið. Margir af bestu íþróttamönnum sögunnar hafa nýtt sér kírópraktík til þess bæta frammistöðu sína. Nefna má Tiger Woods, Lennox Lewis, Evander Holyfield, Michael Jordan, Kaka, Ruud Van Nistelrooy og Arnold Schwarzenegger. Í öllum íþróttum veltur frammistaða íþróttamanns að miklu leyti á eðlilegri virkni í taugakerfinu og á því að liðirnir í stoðkerfinu séu í góðri stöðu og hreyfing þeirra sé eðlileg.
Algengt er meiðsl íþróttamanna séu á liðum í útlimum, svo sem ökklum, hnjám, úlnliðum, olnbogum og öxlum. Meðhöndlun kírópraktors er þarna lykilatriði því hann getur hjálpað liðnum í betri stöðu og bætt hreyfigetuna.
Stundum er orsök meiðsla á hné og ökklum að finna í mjaðmagrind sem situr ekki rétt, eða í lengdarmun á fótleggjum. Hné og ökklar bera þá þungann á óeðlilegan máta. Það getur leitt til meiðsla og veldur ótímabæru sliti.
Einnig eru meiðsli sem fram koma á mjúkvefjum algeng, svo sem á vöðva og sinar. Algengt er að íþróttamenn fái meðhöndlun sem miðast beint að vefnum sjálfum. Gott er að hafa í huga að orsökin getur hæglega verið truflun í starfsemi taugakerfisins, þeim hluta sem stjórnar vefnum, eða liðir og stoðkerfi í vandræðum. Af því leiðir að virknin í vefnum er óeðlileg. Svo þegar vefurinn er notaður undir álagi þá virkar hann ekki sem skyldi og gefur sig frekar. Margir íþróttamenn sjá miklar framfarir í íþrótt sinni þegar þeir stunda kírópraktík reglulega, sem forvörn og meðhöndlun vegna meiðsla.